»{:: مل

هذه الرسالة تفيد .. بأنك غير مسجل لدينا ونتمنى الانضمام الى محبى الفنانة شيرين
للتسجيل بمنتدى ملتقى محبى شيرين .. يرجى الضغط على كلمة ( التسجيل )

لاضافة الى الاقسام المتنوعة


    مفارقة الخليل

    شاطر

    الماس
    .:: عضــو نشيــط ::.
    .:: عضــو نشيــط ::.

    ذكر
    عدد الرسائل : 59
    العمر : 54
    البلد : الإمارات
    المدينة : أبوظبي
    تاريخ التسجيل : 18/07/2008

    مفارقة الخليل

    مُساهمة من طرف الماس في الثلاثاء 22 يوليو 2008 - 10:57

    يالقلب وش لك في كثير التناهيت
    اللي مضي لك من هوى البيض كافي
    شرعت في حوض الهوى ثم عليت
    يومه قراحٍ ينفع الكبد صافي
    واليوم ماجالك على ما تمنيت
    الوضع الأول صار فيه اختلافِ
    ما ينفعك هالحين ياليت ياليت
    ياليت رجوى للعقول الضعافِ
    يالقلب هالحين استرحت وتعفيت
    عن حب من كنه غزال الصيافي
    لاشك اظنه بان ماكان خفيت
    حمل المحبة ما اسهمك منه وافي
    انا إذا هاد الحشا وارجهنيت
    وذبيت حمل الحب كله خلافِ
    إذا بغيت انسى المحبة وصديت
    وانسى سبيل البيض حمر الاشافي
    إما نظرت بعين وإلا توحيت
    كلام محبوبي من الخوف خافي
    ذكر علي اللي مضى لي وحنيت
    حنين من وهن بحبل العسافي
    حطوا له الخيه قدم ثامة البيت
    ولايفه راحت تمارق مجافي
    يالايم راعي الهوى عِلت واخطيت
    تحمد الله يوم صرت متعافي
    عندي على راعي المحبة تثابيت
    إنه فلا ينسى المحبة عيافِ
    إنه فلا ينسى ورا اليوم ماجيت
    ياليت ما انته ياهوى البال جافي
    عز الله إنك مسرفٍ في ما سويت
    مير الخطية عندنا ما تشافي
    راعي المحبة لو نصحته ووصيت
    بينه وبين أهل النصايح خلافِ
    راعي الهوى رووس المشاريف له بيت
    ما وطاه من ممشاه للرجم حافي
    الولف بيح بالسدود المكا ميت
    والبيض يا ما عذبن من سنلفي
    في دربهن يسبق هبوب العفاريت
    وفي لازم اهله ينسدح بانجعافي
    غربال راعي الحب فرقا التشاتيت
    ان صار في وسط النزيل اختلافِ
    نووا على الشدة رجالٍ مشاميت
    من علم طرقيٍ من البعد لافي
    يقول انا بالعلم للناس شحيت
    واليوم شدوا له ترى الخير صافي
    وديان يرعن العشاير بهن هيت
    وسمٍ تدفق تابعٍ له خرافي
    الصبح يمشن الظعاين تفاخيت
    اول ظعاينهم يتل الخلافِ
    إذا اقرشوا لو صحت بالصوت واوميت
    ما يسمعونه من صريخ الظلافِ
    إذا جعلوا مع شقة النور ياشيت
    ما ينزلون إلا النهار متلافي
    بالليل توحي للرعايا التصاويت
    والنار ترفع بالبطن الكشافي
    شاعوك ياراعي المحبة وخليت
    جنك تفاريق الضحى وانت غافي
    لوصحت من فرق الولايف وونيت
    جرحٍ وسم كبدك عليهم عوافي

      الوقت/التاريخ الآن هو الخميس 18 يناير 2018 - 14:02