هل اللى بتزعل علية يستاهل زعلك ولا محدش يستاهل!!!!

كتير اوى بنزعل ونحزن وممكن نعيط ونشيل فى قلبنا او نفضفض او نبوح لحد

والسبب اننا زعلنا على حد او على حاجة بس عمرك فكرت ان اللى انتا زعلت علية يستحق زعلك

عمرك فكرت ان اللى مزعلك واللى انتا حزنان علية وقلبك واجعك عشانة

ممكن يكون هو فرحان وبيهيس ومش همو اى حاجة من دية خالص ولا يهمة انك تعبان عشانة

وانك ممكن تكون بتعيط ودموعك نازلة علشانة تفتكر هو بيعمل اية دلوقتى(فى الوقت اللى انتا زعلان فية) فرحان - زعلان - بيعيط عشانك


اولا انا اعتقد ان مش كل الناس ذى بعضها يعنى هتلاقى اللى زعلان وهتلاقى اللى فرحان عشان زعلك وهتلاقى اللى الامر مايهموش ولا يفيدة بشىء

تفتكر بقى دلوقتى ان فى حاجة تستاهل انك تزعل عشانها وتضايق نفسك علشانها

حتى لو الطرف التانى زعلان ماتزعلش انتا لأنة لو كان باقى عليك ماكنش زعلك من الاول




*******وهديكوا مثال وطبقوه على نفسكوا*******

لو مثلا ليك حبيب او حبيبة وجية فى يوم سابك بدون اي مقدمات ولا اسباب من غير ما يقول حتي جود باي

او جه قالك احنا ماننفعش لبعض وانة مش متصور انكوا اكتر من الاخوات

لأ وبعد ماعيشك حب خيالى ورسمتوا قصور فى العلالى وعيشتوا احلى مافى اللياليى وياما سمعك شعر واغانى


هتعمل ايه بقي ؟؟؟؟؟؟؟؟؟؟؟

اكيد هتزعل

بس المفروض انك ماتزعلش اوى او لفترة طويلة ( بس اكيد هتزعل دة لو كنت بتحبة اصلا)

لكن المفروض انك تكمل حياتك لأنة مش ربنا سبحانة وتعالى(استغفر اله العظيم طبعا جل جلالة)

ولو هو اللى بيحيك ولا بيموتك واذا كان هو مش باقى عليك ولا على الحب اللى كان بينكوا انتا تزعل علية لية بصراحة ومن الاخر مايستهلش اى دمعة حزن منك

ولا حتى انك تفكر فى الزعل عشان خاطرة


والحكاية دية حصلتلى مع واحد حبيته اوى والمفروض انه كانت بيحبنى( المفروضضضضضضضضضض)

مع اني ضحيت عشانه بحاجات كتير واتنازلت عن حاجات اكتر وفجاه وبدون اي مقدمات اختفي من علي الساحه هههههههههههههه

وياخبر على انا عملتة قلبت الدنيا وزعلت جدا واعتكفت عن الدنيا وكانت اغلى امنية عندى ساعتها انى اموت

وسألت نفسى اذاى ممكن اعيش من غيره واذاى هحب تانى بس تعرف جيت فى لحظة وبصراحة كان نقطة تحول فى تفكيرى

ولقيت انى هعرف اكمل ذى ما هو اكيد هيكمل من غيرى بس كان نفسى اعمل حاجة واحدة اضربه بالقلم

ولقيت انى اللى المغروض ازعل علية بجد بقى وان اللى مفروض اموت عشانه الوقت اللى ضيعتة معاا

وجية فى بالى حاجة واحدة كنت عايز اقولها ليه (أنا ماخسرتش حاجة وبعدك هحب كتير انت اللى هيتقال عليك كان ليك زمان حبيب)



السؤال بقي دلوقتي يا شباب ويا بنات

تفتكروا اللي بنزعل عليه يستحق زعلك ولا ما يستهلش؟؟؟؟؟؟؟؟؟يلا مستنية مشاركتكم

اسعد الله اوقاتك يارب يكون موضوعى عجبكم وطبعا زى مبقول نفكر قبل منزعل ويعنى اكيد الى بنزعل عليه لو كنت انتا غالى عنده مكنش زعلك من الاساس وميرسى مرورك محمد تحياتى ليك/ذكرى